പ്രണയമഴ

നിന്‍റെ മന്ദസ്മിതങ്ങളില്‍ ,

ഞാന്‍ നെയ്ത സ്വപ്നങ്ങള്‍ക്കൊരായിരം -

വര്‍ണങ്ങള്‍ നല്‍കുവാന്‍,

എന്‍ ഹൃത്തടത്തില്‍ ഞാന്‍ -

കരുതിവച്ചോരിത്തിരി മോഹങ്ങള്‍.

നട്ടുനനയ്ക്കുവാന്‍, നിന്‍റെ -

പ്രണയമഴ കാത്തിരുന്നെന്‍ ഹൃത്തടം.

കാര്‍മേഘമായിട്ടൊരുനാള്‍,

പ്രതീക്ഷകള്‍ തലോടി നീ നിന്നിരുന്നു.

എങ്കിലും അദൃശ്യനാം മാരുതന്‍-

ഗതി മാറ്റിവിട്ടെന്റെ പ്രണയമഴയെ.

ഇന്നെന്‍റെ കണ്ണുനീരഗ്നിയായ്,

പെയ്തൊരെന്‍ ഹൃത്തടത്തില്‍.

കരിഞ്ഞിടുന്നു, സ്വര്‍ണവര്‍ണങ്ങളാല്‍-

ഞാന്‍ നെയ്ത സ്വപ്നങ്ങളൊക്കെയും..